ޕީޖީ އޮފީހުން ބުނީ އެ އޮފީހަށް ހުށަހެޅޭ ލިޔުންތަކާއި، މައްސަލަތަކުގެ ލިޔުންތަކަކީ ވަހި ހަމައަކުން ބަލަހައްޓައި ރައްކާކުރެވޭ ތަކެއްޗެއް ކަމަށެވެ.
މައްސަލަތަކުގެ ލިޔުންތަކަކީ ޕީޖީ އޮފީހުގެ އިތުރުން ތަހުގީގީ އިދާރާތަކާއި ޝަރުޢީ ކޯޓުތަކުގައިވެސް ހުންނާނެ ތަކެތި ކަމަށް ޕީޖީ އޮފީހުން ބުންޏެވެ. އަދި ޕީޖީ އޮފީހުގެ ހިންގުން އިންތިޒާމު ކުރެވިފައި އޮންނަގޮތުން މައްސަލަތަކުގެ ލިޔުންތަކަކީ ނައްތައިލެވޭނެ ތަކެއްޗެއް ނޫން ކަމަށް ޕީޖީ އޮފީހުން ބުންޏެވެ.
ޕީޖީ އޮފީހުން ބުނި ގޮތުގައި އެ އޮފީހުން ނިންމާ ނިންމުންތަކަކީ އަބަދުވެސް އެ ނިންމުން ނިންމާ ސަބަބާއެކު ރެކޯޑްކުރެވޭ ނިންމުންތަކެކެވެ. އަދި އެ އޮފީހުގެ ލިޔުންތަކަކީ ޑިޖިޓަލް އަދި ފިޒިކަލް އާރކައިވް ކުރެވޭ ތަކެތި ކަމަށް ޕީޖީ އޮފީހުން ބުންޏެވެ.
